မြန်မာတွေ အတွက် ရှက်ဖို့ကောင်းလာပြီ

အရင်က ဇော်ဂျီသုံးနေရာကနေနိုင်ငံတကာ ခေတ်မီအောင်၊ နိုင်ငံ့အဝှမ်းက သတင်းတွေကို လွယ်ကူစွာ သိခွင့်ရရှိအောင်၊ ကိုယ့်နိုင်ငံက ဖြစ်ပျက်နေတဲ့ အဖြစ်အပျက်တွေကို ကမ္ဘာက အမှန်တရားအတိုင်းသိခွင့် ရရှိအောင်၊ (ဒီအထဲမှာ အဆင်ပြေမှု၊ အဆင်မပြေမှု၊ ပျော်ရွှင်မှု၊ အကျင့်ပျက်မှု အစရှိသဖြင့်ပေါ့) လွယ်လွယ်နဲ့ အလိမ်မခံရအောင်၊

လျင်လျင်မြန်မြန် translate လုပ်လို့အဆင်ပြေမယ့် Unocode စံနစ်ကို ပြောင်းလဲအသုံးပြုနေချိန်မှာ

အင်မတန်စိုးရိမ်စရာ အခြေအနေတစ်ခုကို မနေ့ညက အောင်လအင်န်ဆန်ပွဲ အပြီးမှာကိုယ့်အနေနဲ့ စိုးရိမ်တကြီး တွေ့လိုက်ရပါတယ်။ အဲဒါ ဘာလည်းဆိုရင် ရှုံးနိမ့်သွားသော ပြိုင်ဖက်အပေါ်ကို Hate Speech တွေနဲ့ လှောင်ပြောင်သရော်နေသော Comment တွေ

ကိုယ် အဲဒီ Comment ပိုင်ရှင်တွေအစား ရှက်လိုက်တာ။ ဒါတွေကိုသာ နိုင်ငံတကာက လွယ်ကူစွာ Translate လုပ်နိုင်နေရင်…

အစကတည်းက မြန်မာဆိုတာ ကမ္ဘာ့အလယ်မှာ နိမ့်ကျပြီးသား အခြေအနေတခုနဲ့ ရပ်တည်နေတဲ့ တိုင်းပြည်ပါ။ ဘာလို့လည်းဆိူရင် အနီရောင် ပတ်စပို့စ်တွေ့တာနဲ့ အနိမ်ချခံလိုက်ရတဲ့ မြန်မာတွေမှ ထုနဲ့ဒေး

ဒါကို အမေစုဦးဆောင်လို့ ကိုယ်ကျင့်တရားကောင်းမွန်သော လူတစုက ပြန်လည်တည်ဆောက်နေတုန်း အခြေအနေတခုပဲ ရှိနေပါသေးတယ်။

နိုင်ငံသားတွေရဲ့ စိတ်ဓာတ်အဆင့်အတန်းတွေက တဒင်္ဂလှောင်ပြောင်လိုစိတ်နဲ့ ရေးသားလိုက်တဲ့ Comment ကအစပြုလို့ အမုန်းတရားအခြေခံတဲ့ တခြားသော အကြောင်းအရာတွေကိုသာ နိုင်ငံတကာက လွယ်ကူစွာ Translate လုပ်နေနိုင်ရင်…

အခုဆိုရင် နိုင်ငံခြားရင်းနှီးမြပ်နှံမှုတွေက မျက်စိကျနေတဲ့ ကိုယ်တွေရဲ့ မြန်မာနိုင်ငံ၊ ဖွံ့ဖြိုးမှုတွေ သီးပွင့်လာမယ့် ကိုယ်တို့ရဲ့ နိုင်ငံနဲ့ ကိုယ်တို့ လူမျိုးအတွက် အခွင့်အလမ်းတွေကို

သိက္ခာကျစေသော၊ နိမ့်ကျစေသော အရေးအသား အပြောအဆိုမျိုးတွေ နည်းနိုင်သမျှ နည်းစေချင်မိတယ်။ Unicode ပြောင်းဖို့အတွက်ချည်း ဆော်သြခြင်းမဟုတ်ဘဲ အခုလို အကြောင်းအရာမျိုးတွေကို အသိပညာပေးတဲ့ အရေးအသား ဆော်သြမှုမျိုးတွေကို နိုင်သလောက်လေး လုပ်ဆောင် လက်ဆင့်ကမ်းဖို့လည်း လိုအပ်သေးတယ်လို့ တွေးမိတယ်။

Facebook team myanmar အနေနဲ့လည်း အဲဒီလို နိုင်ငံနဲ့လူမျိုးကို နိမ့်ကျစေသော အသုံးအနှုန်းတွေနဲ့ အကောင့်တွေကို ဖျက်ချပေးသင့်တယ်လို့ တိုက်တွန်းလိုပါတယ်။

ဘယ်သူမဆို ကိုယ့်လူမျိုး ဂုဏ်သိက္ခာကျစေတယ်လို့ သေချာသတိပြုမိကြရင် အဲဒီလို အလားတူလုပ်ရပ်မျိုးတွေကို အမှန်တကယ်ရှက်တတ်လာလိမ့်မယ်လို့ မျှော်လင့်မိရင်း…..

မယ္ကိုး

Be the first to comment

Leave a Reply

Your email address will not be published.


*